News

Realestate News

Save college space Leaders Maddilapalem.


కళాశాల స్థలాన్ని కాపాడండి

ర్యాలీ నిర్వహించిన విద్యార్థులు

ప్రిన్సిపల్‌ చంద్రశేఖర్‌తో మాట్లాడుతున్న ఎస్‌ఎఫ్‌ఐ నాయకులు

 ఆక్రమణలకు గురవుతున్న డాక్టర్‌ వి.ఎస్‌.కృష్ణ ప్రభుత్వ కళాశాల స్థలాన్ని కాపాడాలని భారత విద్యార్థి ఫెడరేషన్‌ (ఎస్‌.ఎఫ్‌.ఐ) కృష్ణా కళాశాల కమిటీ డిమాండ్‌ చేసింది.

బుధవారం కళాశాల ఎస్‌ఎఫ్‌ఐ కమిటీ ఆధ్వర్యంలో కళాశాల ప్రాంగణంలో బహిరంగ చర్చ, ర్యాలీ నిర్వహించారు. తక్షణమే జిల్లా అధికారులు స్పందించాలని డిమాండ్‌ చేశారు.

లేనిపక్షంలో పెద్దఎత్తున విద్యార్థులతో పోరాటాలు చేస్తామని ఎస్‌.ఎఫ్‌.ఐ. కమిటీ పేర్కొంది. అనంతరం విద్యార్థులు, ఎస్‌ఎఫ్‌ఐ నాయకులు కలిసి కళాశాల ప్రిన్సిపల్‌కు సమస్య వివరించారు.

విద్యార్థి నాయకులు ఎల్‌.జె.నాయుడు, పెద్ద ఎత్తున విద్యార్థులు పాల్గొన్నారు.

వివరాలు రెవెన్యూను అడగండి

డాక్టర్‌ వీఎస్‌కృష్నప్రభుత్వడిగ్రీకళాశాలకు సంబంధించిన స్థలం ప్రధాన ముఖద్వారంవద్ద ఉన్న కళాశాల స్థలం కబ్జాకు గురైందని చేస్తున్న ఆరోపణలను కళాశాల ప్రిన్సిపల్‌ డాక్టర్‌ వి.చంద్రశేఖర్‌ ఒక ప్రకటనలో ఖండించారు.

కళాశాల ముఖద్వారం వద్ద ఉన్న స్థలం మూడు సంవత్సరాల క్రితం హైకోర్టు ఆదేశాను సారం రెవెన్యూ విభాగం వారు సదరు పార్టీకి అప్పగించారన్నారు.

స్థలానికి సంబంధించిన వ్యవహారాలన్ని రెవెన్యూ విభాగం ఆధ్వర్యంలో జరిగాయన్నారు. స్థలం సమాచారం కావాలంటే రెవెన్యూ విభాగం వారిని సంప్రదించాలని ఆయన ఒక ప్రకటనలో కోరారు.