250 కి.మీ.ల గాలి వేగాన్ని తట్టుకునేలా…
తుప్పు పట్టకుండా కాపాడడానికీ గోడే కీలకం….
సముద్రం వైపు నుంచి వీచే గాలుల్లో ఉండే తేమ, ఉప్పదనం కారణంగా విమానం త్వరగా తుప్పుపట్టడానికి అవకాశం ఉంది. గాలి ప్రభావం కొంత వరకైనా నిరోధించాలంటే విమానానికి నేరుగా గాలుల తీవ్రత తగలకుండా గోడ కొంతవరకు నిరోధించి తుప్పు పట్టడాన్ని కొంత వరకు అడ్డుకుంటుందనడంలో ఎలాంటి సందేహం లేదు. సుమారు రూ.13కోట్ల వ్యయంతో చేపట్టిన యుద్ధవిమాన మ్యూజియాన్ని అత్యాధునిక సదుపాయాలతో, సందర్శకులు మధురానుభూతి పొందేలా విశిష్ఠ సౌకర్యాల సమాహారంగా తీర్చిదిద్దుతున్నారు. కేవలం మ్యూజియం సందర్శించడమే కాకుండా వాయుసేన, నౌకాదళానికి సంబంధించిన సమాచారాల్ని కూడా ఇవ్వడానికి, నిజంగా యుద్ధవిమానంలో ప్రయాణిస్తున్నామన్న అనుభూతిని కలిగించడానికి వీలుగా సిమ్యులేటర్లను ఏర్పాటుచేస్తున్నారు. ఎరోబ్రిడ్జ్‌, కాఫీషాప్‌, సావనీర్‌ షాప్‌ తదితరాలన్నింటినీ నిర్మిస్తున్నారు. తీవ్ర విపత్తుల సమయాల్లో కూడా ఆయా విభాగాలు ఎలాంటి ముప్పులకు గురికాకుండా ఉండేలా పకడ్బందీ ఏర్పాట్లు చేస్తున్నారు.