News

Realestate News

13 నుంచి ఇస్కాన్‌లో శ్రీ కృష్ణాష్టమి వేడుకలు

13 నుంచి ఇస్కాన్‌లో శ్రీ కృష్ణాష్టమి వేడుకలు

జగదాంబకూడలి, న్యూస్‌టుడే: సాగర్‌నగర్‌ ఇస్కాన్‌ మందిరంలో ఈ నెల 13 నుంచి 16 వరకూ శ్రీ కృష్ణజన్మాష్టమి ఉత్సవాలు నిర్వహిస్తున్నట్లు విశాఖ నగర శాఖ అధ్యక్షుడు సాంబదాస్‌, మాతాజీ నితాయిసేవిని తెలిపారు. గురువారం ఓ హోటల్‌లో నిర్వహించిన సమావేశంలో వేడుకల గోడపత్రికను విడుదల చేశారు. ఉత్సవాల వివరాలను వెల్లడించారు.

13న సాయంత్రం 4 గంటలకు శ్రీ కృష్ణనృత్యభారతి (సింహాచలం) శ్రీ కృష్ణ జన్మలీలలు నృత్యరూపకం
14న సాయంత్రం 4 గంటలకు సాయినాథ్‌ కళాసమితి శ్రీ కృష్ణదామోదరం నృత్యరూపకాలు

15న శ్రీ కృష్ణాష్టమి సందర్భంగా తెల్లవారుజామున 4.30 గంటలకు మంగళహారతి, 9 గంటలకు దర్శనహారతి, అఖండహరినామ సంకీర్తన, వూయలసేవ, ఉదయం 10 గంటలకు రంగోళీ, పుష్పాలంకరణ పోటీలు, సాయంత్రం 4.30 గంటలకు ఉట్టికొట్టే కార్యక్రమం ఉంటాయి. విచిత్ర వేషధారణ, సోలో, గ్రూప్‌ డ్యాన్స్‌ పోటీలు నిర్వహిస్తారు. రాత్రి 10 గంటలకు శ్రీ కృష్ణజన్మాష్టమిపై సందేహాల నివృత్తి, రాత్రి 11.30 గంటలకు లడ్డూ గోపాలునికి పుష్పాభిషేకం, అర్ధరాత్రి 12 గంటలకు వివిధ ద్రవ్యాలతో బాలకృష్ణుని ఉత్సవమూర్తికి అభిషేకం, 108 దీపాలతో దివ్య మంగళహారతి

16న ఉదయం 10 గంటలకు ఇస్కాన్‌ సంస్థాపక ఆచార్య ప్రభుపాదుల వారి జయంతి వేడుకలు