కేంద్రం నిర్ణయం ప్రకారం త్వరలో విశాఖ రైల్వేస్టేషన్‌ అంతర్జాతీయ స్థాయి ప్రమాణాలతో నవశోభను సంతరించుకుంటుందన్నారు. రైల్వే మంత్రిత్వ శాఖ ఆదేశాల మేరకు ఈ ప్రాజెక్టును ప్రభుత్వ-ప్రైవేటు భాగస్వామ్యంతో చేపట్టనున్నట్లు తెలిపారు. జ్ఞానాపురం వైపు ఖాళీగా ఉన్న రైల్వే స్థలంలో పలు సదుపాయాలు కల్పిస్తామన్నారు. రెండు దశల్లో బిడ్డింగ్‌లు ఆహ్వానించి గుత్తేదారులను ఎంపిక చేస్తామన్నారు. అత్యాధునిక సదుపాయాలతో లాంజ్‌లు, మల్టీ కాంప్లెక్స్‌లు సమకూర్చాల్సి ఉంటుందన్నారు. వాటి నిర్మాణాలే కాకుండా నిర్వాహణ బాధ్యతులు సైతం లీజుదారులే వహించాల్సి ఉంటుందన్నారు. ఈ సందర్భంగా జి.వి.ఎం.సి కమీషనర్‌ హరినారాయణన్‌ మాట్లాడుతూ ఆకర్షణీయ నగరంగా రూపొందుతున్న విశాఖలో రైల్వే స్టేషన్‌ అంతర్జాతీయ ప్రమాణాలతో తీర్చిదిద్దే అవకాశం రావడం శుభపరిణామమన్నారు. కార్యక్రమంలో కమర్షియల్‌ మేనేజర్‌ కోఆర్డినేషన్‌ సునీల్‌కుమార్‌తో పాటు పలు పబ్లిక్‌, ప్రైవేటు సంస్థల ప్రతినిధులు పాల్గొన్నారు.