News

Realestate News

విశాఖలో ఫైబర్‌ గ్రిడ్‌ ప్రాజెక్ట్‌ ప్రారంభం

విశాఖ: సమాచార, సాంకేతిక రంగంలో విప్లవాత్మక ముందుడుగుగా భావించే ఫైబర్‌ గ్రిడ్‌ ప్రాజెక్ట్‌కు ఆంధ్రప్రదేశ్‌ ప్రభుత్వం శ్రీకారం చుట్టింది. ఈ ప్రాజెక్ట్‌ ప్రారంభోత్సవ కార్యక్రమాన్ని ఆంధ్రప్రదేశ్‌ ముఖ్యమంత్రి చంద్రబాబునాయుడు విశాఖలో జ్యోతి ప్రజ్వలన చేసి ప్రారంభించారు. ఈ కార్యక్రమంలో సిస్కో ఛైర్మన్‌ జాన్‌ టి చాంబర్స్‌, ఆంధ్రప్రదేశ్‌ మంత్రులు పల్లె రఘునాథరెడ్డి, గంటా శ్రీనివాసరావు పాల్గొన్నారు. ఈ ప్రాజెక్ట్‌ అమల్లోకి వస్తే తక్కువ ధరకే కేబుల్‌ ప్రసారాలు, అంతర్జాలం(15ఎంబీపీఎస్‌ స్పీడ్‌), ఫోన్‌ సదుపాయం అందుబాటులోకి రానున్నాయి.

ప్రభుత్వం ప్రతిష్ఠాత్మకంగా భావిస్తున్న ఐదు గ్రిడ్డుల్లో ఫైబర్‌ గ్రిడ్‌ ఒకటి. దీన్ని ఉత్తరాంధ్ర జిల్లాల నుంచి మొదట ప్రారంభించాలని ప్రభుత్వం నిర్ణయించింది. ఇందులో భాగంగా కొద్దిరోజులుగా విశాఖ కేంద్రంగా సంబంధిత వర్గాలు యుద్ధప్రాతిపదికన ఏర్పాటు చేస్తున్నాయి. విశాఖలోని ఏయూ దూరవిద్య కేంద్ర ప్రాంగణంలో ఏపీ ఫైబర్‌ గ్రిడ్‌ ప్రాజెక్ట్‌ కార్యాలయాన్ని ఏర్పాటుచేసి తదుపరి చర్యలు తీసుకుంటున్నారు. మూడు జిల్లాల్లో 2661 కిలోమీటర్ల పొడవునా ఆప్టికల్‌ ఫైబర్‌ కేబుళ్లు ఏర్పాటు చేశారు. వీటిని సమీపంలో గల విద్యుత్‌ సబ్‌స్టేషన్లతో అనుసంధానం చేసి అక్కడి నుంచి కేబుల్‌ ఆపరేటర్లు ఇప్పటికే ఇళ్లకు వేసిన తీగలకు మరోసారి అనుసంధానిస్తారు. మారుమూల ప్రాంతాలోని ప్రాథమిక ఆరోగ్య కేంద్రాల్లో టెలీ మెడిసిన్‌, ఈ-మెడిసిన్‌ కార్యక్రమాలకు వూతమివ్వడమే కాకుండా ఈ-తరగతులు, వీడియో కాన్ఫరెన్స్‌, టెలీ కాన్ఫరెన్స్‌ వంటివి నిర్వహణకు ఈ వ్యవస్థ కీలకంగా మారనుంది.

 Source By: http://www.eenadu.net/

Free!

Services

Promotion

SMM

Posting

 

           Be the first to know about Free Service Offers

VRE Logo