రాష్ట్ర పండగగా ఆదివాసీ దినోత్సవం
10 వేల మందితో భారీ ఊరేగింపు
కలెక్టర్‌ ప్రవీణ్‌ కుమార్‌
వర్షంలోనూ సీఎం పర్యటన సన్నాహాల పరిశీలన
పాడేరు, న్యూస్‌టుడే
అన్ని ఐటీడీఏల భాగస్వామ్యం
ఈ సందర్భంగా కలెక్టర్‌ మాట్లాడుతూ అడారిమెట్టలో నిర్వహించే గ్రామదర్శిని కార్యక్రమంలో ముఖ్యమంత్రి పాల్గొంటారని తెలిపారు. చింతలవీధి పంచాయతీ పరిధిలోని ఎనిమిది గ్రామాల ప్రజలు గ్రామదర్శినికి హాజరవుతారని తెలిపారు. అక్కడ నుంచి ప్రభుత్వ జూనియర్‌ కళాశాల సభాస్థలి వరకూ 10 వేల మందితో భారీ ఊరేగింపు ఉంటుందన్నారు. మధ్యాహ్నం బహిరంగ సభలో పాల్గొంటారని తెలిపారు. రాష్ట్రంలో ఉన్న అన్ని సమీకృత గిరిజనాభివృద్ధి సంస్థలు (ఐటీడీఏ) ఈ వేడుకల్లో భాగం పంచుకుంటాయని తెలిపారు. వర్షం కారణంగా పనులకు ఎటువంటి అంతరాయం కలగకుండా చూడాలని అధికారులకు సూచనలిచ్చారు. ఇప్పటికే అన్ని పనులు పూర్తి చేశామన్నారు. అడారిమెట్టలో నిర్వహించే గ్రామదర్శిని కార్యక్రమంలో విలువిద్య క్రీడా ప్రదర్శన ఉంటుందని తెలిపారు. గిరిజన క్రీడాకారులతో సీఎం ముచ్చటిస్తారని కలెక్టర్‌ వెల్లడించారు. ప్రభుత్వం నుంచి లబ్ధిపొందిన వారంతా సీఎంతో మాట్లాడతారని ఆయన పేర్కొన్నారు. ఈ కార్యక్రమంలో జిల్లా గ్రామీణాభివృద్ధి సంస్థ (డీఆర్‌డీఏ) పథ సంచాలకులు సత్యసాయి శ్రీనివాస్‌, డ్వామా పథ సంచాలకులు కళ్యాణ చక్రవర్తి, గిరిజన సంక్షేమ శాఖ ఉప సంచాలకులు విజయ్‌కుమార్‌, ఐటీడీఏ సహాయ ప్రాజెక్టు అధికారి ప్రభాకరరావు, కుమార్‌, జిల్లా స్థాయి అధికారులు పాల్గొన్నారు.