బొర్రాకు పోటెత్తారు
జలపాతాలకు సంక్రాంతి శోభ: జి.మాడుగుల: కొతపల్లి జలపాతం పర్యటకులతో కళకళలాడింది. సంక్రాంతి సెలవులు, ఆదివారం కనుమ పండగ కావడంతో ఆంధ్ర, ఒడిశా, తెలంగాణ ప్రాంతాల నుంచి అధిక సంఖ్య పర్యటకులు తరలివచ్చారు. దీంతో జలపాతం పరిసరాలు సందడిగా మారాయి. మన్యంలో ఉష్ణోగ్రతలు తక్కువగా నమోదవుతుండటం, జలపాతాల్లో నీరు చల్లగా ఉండటంతో ఆ నీటిలోనే చలికి వణుకుతూ స్నానాలు ఆచరిస్తూ సందడి చేశారు.
చాపరాయి జలవిహారిలో..: డుంబ్రిగుడ: చాపరాయి జలవిహారిలో ఆదివారం పర్యటకుల సందడి నెలకొంది. సంక్రాంతి పండగ వేళ పర్యటకుల రద్దీ పెరిగింది. అంజోడ స్కిల్‌ఫాం సందర్శించి జలవిహారిలో స్నానాలు ఆచరించారు. గిరిజన మహిళల థింసా నృత్యాన్ని వీక్షిస్తూ ఆనందంగా గడిపారు.