News

Realestate News

నేడు అప్పన్నస్వామికి కరాళ చందన సమర్పణ

నేడు అప్పన్నస్వామికి కరాళ చందన సమర్పణ

సింహాచలం: శ్రావణ పౌర్ణమి పర్వదినాన్ని పురస్కరించుకుని శ్రీవరాహలక్ష్మీ నృసింహ స్వామికి సోమవారం వేకువజామున కరాళ చందన సమర్పణ శాస్త్రోక్తంగా జరగనుంది. స్వామికి వేకువ జామున సుప్రభాతసేవ, ఆరాధనలు నిర్వహిస్తారు.

అనంతరం 5 కిలోల పచ్చి చందనంలో సుగంధ ద్రవ్యాలు, కస్తూరి పసుపు, సుద్దనామం మిళితం చేసి స్వామి మూల విరాట్‌ను సుందరంగా తీర్చిదిద్దుతారు.చంద్రగ్రహణం సందర్భంగా స్వామికి బాలభోగం నిర్వహించిన అనంతరం మధ్యాహ్నం 1 గంట తర్వాత భక్తులకు దర్శనాలు నిలిపివేస్తారు. మరుసటిరోజు మంగళవారం ఆలయాన్ని సంప్రోక్షణం చేసి భక్తులకు స్వామి దర్శన భాగ్యం కల్పిస్తారు.