News

Realestate News

గిరి ప్రదక్షిణ భక్తులకు ఆర్టీసీ బస్సు సదుపాయం

గిరి ప్రదక్షిణ భక్తులకు ఆర్టీసీ బస్సు సదుపాయం
అడివివరం, న్యూస్‌టుడే: గిరి ప్రదక్షిణ సందర్భంగా కాలినడకన సింహగిరి ప్రదక్షిణ చేయలేని భక్తుల సౌకర్యార్థం సింహాచలం ఆర్టీసీ డిపో ఆధ్వర్యంలో ప్రత్యేక పథకం ప్రవేశపెట్టినట్లు డిపో మేనేజర్‌ హెచ్‌.దివ్య ఒక ప్రకటనలో తెలిపారు. కాలినడకన గిరి ప్రదక్షిణ చేయలేని వృద్ధులు, మహిళలు, దివ్యాంగులు, అనారోగ్య సమస్యలు ఉన్నవారి కోసం ప్రత్యేక బస్సు సౌకర్యం కల్పించామన్నారు. నగర పరిధిలో నుంచి బృందాలుగా బయలు దేరిన భక్తులను బస్సు ద్వారా కొండ చుట్టూ తిప్పిస్తామన్నారు.

ఇందుకోసం ఒక్కొక్కరికి రూ.300, సీనియర్‌ సిటిజన్లకు రూ.200 టిక్కెట్టు రుసుముగా నిర్ణయించినట్లు పేర్కొన్నారు. సింహాచలం నుంచి బయలుదేరే బస్సులు అడివివరం, హనుమంతవాక, అప్పుఘర్‌, ఎంవీపీ డబుల్‌రోడ్డు, సత్యం కూడలి, పోర్టు ఆసుపత్రి, మాధవధార, ఎన్‌ఏడీ కూడలి, గోపాలపట్నం మీదుగా సింహాచలం చేరుకుంటాయన్నారు. 73829 17295, 73829 18491 చరవాణిలలో సంప్రదించాలని కోరారు.