News

Realestate News

కామన్వెల్త్‌ చెస్‌ పోటీల్లో సాహితికి బంగారు పతకం

కామన్వెల్త్‌ చెస్‌ పోటీల్లో సాహితికి బంగారు పతకం
గాజువాక, న్యూస్‌టుడే: ఆలిండియా చెస్‌ ఫెడరేషన్‌ ఆధ్వర్యంలో న్యూదిల్లీలో ఈ నెల 2 నుంచి 11 వరకు నిర్వహించిన కామన్వెల్త్‌ చెస్‌ ఛాంపియన్‌ షిప్‌ పోటీల్లో అండర్‌-10 విభాగంలో గాజువాకకు చెందిన సాహితీవర్షిణి బంగారు పతకం కైవసం చేసుకుంది. ఏడు దేశాల నుంచి 48 మంది బాలలు పాల్గొనగా…సాహితి ఏడు రౌండ్లలో 6 పాయింట్లతో ముందు నిలిచింది. ఫెడరేషన్‌ కార్యదర్శి భరత్‌చౌహాన్‌ చేతుల మీదుగా బంగారు పతకం అందుకున్నట్లు బాలిక తండ్రి, కోచ్‌ లోకేశ్వరరావు తెలిపారు. సాహితి వచ్చే ఆగస్టు 21 నుంచి బ్రెజిల్‌లో జరగనున్న ప్రపంచ బాలికల చెస్‌ టోర్నీలో పాల్గొంటుందని ఆయన తెలిపారు.