News

Realestate News

కల్యాణ వైభోగమే..!

కల్యాణ వైభోగమే..!
కన్నులపండువగా వెంకన్న కల్యాణం
నక్కపల్లి, న్యూస్‌టుడే: తింటే గారెలే తినాలి.. వింటే భారతం వినాలి.. చూస్తే ఉపమాక వెంకన్న కల్యాణమే చూడాలి అనేంతగా.. భక్తజనం పరవశించిపోయేలా కలియుగదైవం ఉపమాక వెంకన్న కల్యాణం జరిగింది. భక్తుల గోవింద నామస్మరణలు ఓవైపు.. తరలివచ్చే భక్తజన తరంగం మరోవైపు.. మొత్తం ఉపమాక గ్రామం జనసంద్రంగా మారింది. ఎటుచూసినా ఉట్టిపడే ఆధ్యాత్మికతతో ఉపమాక వెంకన్న కల్యాణం గురువారం తెల్లవారుజామున జరిగింది. బుధవారం రాత్రి ఎదురుసన్నాహ మహోత్సవం అనంతరం స్వామి, అమ్మవార్లను రథంపై అలంకరించి తిరువీధుల్లో భక్తజనం నడుమ ఘనంగా ­రేగించారు.

ఇందులో పాల్గొన్న వేలాది మంది భక్తులు గోవిందా అంటూ రథాన్ని లాగారు. ఇది పూర్తయిన తర్వాత తెల్లవారుజామున సుమారు 2 గంటల ప్రాంతంలో వార్షిక కల్యాణం ప్రారంభించారు. తిరుచానూరు పద్మావతి అమ్మవారి ఆలయ పాంచరాత్ర ఆగమ సలహాదారు శ్రీనివాసాచార్యులు, ఉపమాక ఆలయ ప్రధానార్చకులు ప్రసాదాచార్యులు, ఇతర వేద పండితులు కలిసి కార్యక్రమాన్ని నడిపించారు. శాస్త్రోక్తంగా పండితులు చదివిన వేదమంత్రాలు భక్తుల మదిని పులకింపజేశాయి. శ్రీనివాసాచార్యులు భక్తులను భాగస్వామ్యులు చేస్తూ, వారిచేత మంత్రాలు పలికిస్తూ ఆద్యంతం తన్మయత్వానికి గురిచేశారు. తుది కార్యక్రమంలో భాగంగా అమ్మవారి మెడలో స్వామి తాళికట్టడం, తలంబ్రాలు పోసే కార్యక్రమాన్ని నయనానందకరంగా చేపట్టారు. తితితే ప్రత్యేక శ్రేణి ఉప కార్యనిర్వహణాధికారి మునిరత్నంరెడ్డి అన్నమాచార్య కీర్తన కొంతవరకు ఆలపించి తనలోని ప్రతిభ చాటారు. వేడుక తర్వాత భక్తులకు తలంబ్రాలు అందించారు. ఇందులో విజిలెన్స్‌ భద్రత ఇన్‌స్పెక్టర్‌ రామకృష్ణ, ఆలయ అధికారులు చంద్రశేఖర్‌, బాలసుందరశర్మ ఇతర అధికారులు పాల్గొన్నారు.

Free!

Services

Promotion

SMM

Posting

 

           Be the first to know about Free Service Offers

VRE Logo