News

Realestate News

ఇక రెవెన్యూ సేవలన్నీ ఆన్‌లైన్‌లోనే..!

ఇక రెవెన్యూ సేవలన్నీ ఆన్‌లైన్‌లోనే..!
రాష్ట్రవ్యాప్తంగా నేటి నుంచి అమలు
కార్పొరేషన్‌, న్యూస్‌టుడే:
నగర, పురపాలకసంఘాల్లో రెవెన్యూ విభాగం సేవలను ఆన్‌లైన్‌లో పొందే విధంగా ప్రత్యేక సాఫ్ట్‌వేర్‌ను రూపొందించి, నేటి నుంచి అమల్లోకి తీసుకొస్తున్నట్టు మహా విశాఖ నగరపాలక సంస్థ ఉప కమిషనర్‌ (రెవెన్యూ) వారా రవీంద్ర ‘న్యూస్‌టుడే’కు తెలిపారు. మున్సిపల్‌ పరిపాలన, పట్టణాభివృద్ధిశాఖ ఎంటర్‌ప్రైజెస్‌ రిసోర్స్‌ ప్లానింగ్‌(ఈఆర్‌పీ)పేరుతో ఇ-గవర్నెన్స్‌ ఫౌండేషన్‌ ద్వారా రెవెన్యూ విభాగం విధులు నిర్వహిస్తుందన్నారు. ఇప్పటివరకూ ఆస్తి పన్ను విధింపు, మదింపు, ఆస్తి బదలాయింపు, ఖాళీ స్థలాల పన్ను తదితర సేవలన్నీ దరఖాస్తుదారు నేరుగా ఆయా మున్సిపాలిటీల్లో రెవెన్యూ సిబ్బందిని సంప్రదించి చేయించుకునేవారన్నారు. రాష్ట్ర వ్యాప్తంగా ఒకే విధానం అమలుచేయాలన్న మున్సిపల్‌ పరిపాలన, పట్టణాభివృద్ధిశాఖ ఆదేశాల మేరకు ప్రత్యేకమైన సాఫ్ట్‌వేర్‌ను రూపొందించి, దాని ద్వారానే ఇకపై అన్ని సేవలు అందిస్తారన్నారు. ఈ నేపథ్యంలో రాష్ట్ర వ్యాప్తంగా ఆస్తి పన్ను చెల్లింపులు, పట్టణ ప్రణాళిక ద్వారా ఇచ్చే ప్లాన్‌ ఆన్‌లైన్‌ దరఖాస్తులు నిలిపివేసినట్లు తెలిపారు. గురువారం తిరిగి యథావిధిగా అన్నీ పనిచేస్తాయన్నారు.

అసెస్‌మెంట్లు సైతం…
ప్రస్తుతమున్న అసెస్‌మెంట్లన్నీ ఆన్‌లైన్‌లోకి మళ్లించామని రవీంద్ర తెలిపారు.

జీవీఎంసీ పరిధిలో 4,44,423 అసెస్‌మెంట్లు ఉన్నాయి. వీటిలో జోన్‌-1 పరిధిలో 62,534, జోన్‌-2లో 71,792, జోన్‌-3లో 46,510, జోన్‌-4లో 85,846, జోన్‌-5లో 88,860, జోన్‌-6లో 56,165, అనకాపల్లిలో 19,487, భీమిలిలో 13,229 ఉన్నాయి.

ఏటా రూ. 210 కోట్ల ఆస్తిపన్ను వసూలవుతోంది.

ప్రత్యేక కేంద్రాలు…
ఆస్తి పన్ను సేవలకు సంబంధించి ప్రతి జోన్‌లోనూ ఒక ప్రత్యేక కేంద్రాన్ని ఏర్పాటు చేస్తామని, సాఫ్ట్‌వేర్‌పై అనుభవం కలిగిన సిబ్బంది ఒక్కొక్కరిని జోన్‌లోని కేంద్రంలో నియమిస్తామన్నారు. ఇప్పటికే రెవెన్యూ సిబ్బందికి ఆన్‌లైన్‌ ప్రక్రియపై శిక్షణ తీసుకున్నారన్నారు. ఆన్‌లైన్‌లో దరఖాస్తు చేసిన తరువాత ఎవరి వెనుకా తిరగాల్సిన అవసరం లేదని, 15 రోజులలో సేవ అందుతుందన్నారు. దరఖాస్తుదారుడు ఏ సేవ కోసమైతే ఆన్‌లైన్‌లో అప్‌లోడ్‌ చేస్తారో వాటి పరిశీలనార్థం క్షేత్రస్థాయిలో సిబ్బంది పరిశీలన ఉంటుందన్నారు. ట్యాక్స్‌కలెక్టర్‌, రెవెన్యూ ఇన్‌స్పెక్టర్‌, రెవెన్యూ ఆఫీసర్‌, జోనల్‌ కమిషనర్‌, డీసీఆర్‌ ఇలా ఒక పద్దతి ప్రకారం దస్త్రాలు ఆన్‌లైన్‌లో వెళతాయని పేర్కొన్నారు.

ఆన్‌లైన్‌ సేవల ద్వారా చెల్లించిన నిధులు ఎప్పటికప్పుడు జీవీఎంసీకి బదిలీ అయ్యేలా కూడా ఏర్పాటు చేశారు. దీని వల్ల క్షేత్రస్థాయి సిబ్బంది చేతివాటం కొంత వరకు తగ్గే అవకాశం ఉంది.


Notice: compact(): Undefined variable: limits in /home/manohars/public_html/vizagrealestate.com/wp-includes/class-wp-comment-query.php on line 821

Notice: compact(): Undefined variable: groupby in /home/manohars/public_html/vizagrealestate.com/wp-includes/class-wp-comment-query.php on line 821

Warning: count(): Parameter must be an array or an object that implements Countable in /home/manohars/public_html/vizagrealestate.com/wp-includes/class-wp-comment-query.php on line 399

 

Free!

Services

Promotion

SMM

Posting

 

           Be the first to know about Free Service Offers

VRE Logo